بـــــــــــــــــــــــــــــــــــــــــــــــــــــره

بـــــــــــــــــــــــــــــــــــــــــــــــــــــره

اطلع ياخوف بره من بين ضلوعي

صحي خلاص الحب وهيتصداك بدروعي

وارجع ياقلبي مكانك مفيش حني للذل

انت م اليوم قيصر وتاجك فوق الكل

اخلع اللون الاسود والبس بداله الوان

ياما شاف صبرك من اسي وسلوان

ادخلي ياثورة اسكني وافرشي عيذالك

مطرحك مدفياه انفسنا وناسنا وسط عيالك

عايزين ننول الرضا بعد إذن خالك

امسحي دموعك وروقي ايه بس اللي شاغل بالك

قومي معانا ننادي واضمدي الجرح

قلمي طالما فيه روحك هنبني سوا الصرح

شموسك في الميادين كافيه تبعث الفرح

حلمي اني اموت ياولاد وفـبوقي كلمة حق

علي اني اعيش مربوط وما اعرف اقول لأ

واقدر اصون شرفي وعرضي اللي هتكوه

واعرف اديرعمري وطيني اللي سرقوه

وعد ليك يازمان مش هركع انا تاني

واقطع رقاب الظلم والمفتري والجاني

احلامي مرسومة علي غصن..وصيادها ناويها

يعريها امام الكل وع الجلد يكويها

وارجع انا سنين تاني ادادي و اداويها

رصاصتك دي ماهتلاقي غير صدرنا تبه

واقفين الوف للموت سألينه كمان حبه

الجمر هيشق الضلوع في وش الديابة

يفرد شراعة ف السما يفرح الغلابة

لـ تشد الربابة غناها في الميادين المهابة

فبعدخطفهم لثورتنا بنت الربيع يوم الصباحية

ماتجيش تسألني وحياه ابوك دول عسكر ولا حرامية

الـــمـــصـــري ونيلــه

المصري ونـــيـــلــــه

مياه النهر العتيق دموع ام ماء

بعد ان تلاطمت عليه احزان البؤساء

وجلست علي ضفافه تندب الخرساء

وجاب الحبيب ارجاءه يقذف الحجر ويلعن الجهلاء

النهر والمصري تشابها في البكاء

وفي الصراخ وحتي في الشقاء

ابنائهم تبولوا علي صدورهم وكشفوا عورتهم واستحلوا الدماء

داخل كل منهم يرتع الف حوت

والخير والحب ينقصف ويموت

والحزن الذليل خيم استاره علي البيوت

توقف نبض الحقيقة وعاش داخل عروقة الجنون

وارسي القبح سلطانه وسمي نفسه فنون

وهاجر الطير العليل تارك خلفه عش كئيب

والموت امامه يذيل اطراف المواني منتظراً رقيب

وفي الطريق يلحقه النصيب من المهانه والذل العجيب

يناديه ايها العصفور اتري نفسك من الزمن النجيب

انا بن السكوت من صمتك في وكل ساعة

الحقك ايام كنت ترفع يديك ببرائه الاطفال تطلب الرضاعه

اهدم الاخلاق والقيم واعرضهم لمثلك كبضاعه

وانت تبيع من لحمك لتشتري بكل وضاعه

تحضن السوط..وتهاب ان تسود في فزاعه

اين الحب الذي رفض لأركانك الخضوع

ورضا للأحبه الفراق والخنوع

النيل الذي كانت انفاسه كبرياء

اضحت امواجه تحوي دموع الابرياء

وسكنت عقولك القاع مع الطين مع الاذكياء

تنظر الي الحظيره والعبيد في شوق

بعد ان فكك الشهداء من الطوق

واخذ الجرح العميق يتنفس من الشمس الاصيل

وتناول المصري افطاره مع الصبح الجميل

وعاد النيل الهادئ يفتح اضفافه للحب الجليل

وبني العصفور عشه فوق الماء من جديد

وثبته بالحريه والعدل والشدو السديد

فمالك يشتاق ظهرك لسوط الظلم الاجتماعي

لتنحني راسك امام جبروت الاستبداد السياسي

وتهيأ عقلك لتستضيف التعفن الثقافي

لتستعد جوانحك للرجوع نحو التخلف الحضاري

عفواً..ان الدماء التي سالت كتبت واجباً علينا

ان نكمل الشوط الذي بدئناه ولو فنينا

فالليل الذي طوي اجسادهم الهزيله مكافحين

لن ينالنا سواده ليغطينا راقدين

فان طوقتنا جيوش الظلام

فنحن علي ثقة بـ الصباح

اعتصام مفتوح

أبوية كلمني ع التليفون وقالي بتعمل ايه ياواد

رديت عليه بحرقة قولتله انا ف التحرير ياداد

انا عابد لمصر ومصري مش كافر زي قوم عاد

ثورتنا يا بوية بقت فـ وضع باد

رجعناها الميدان بعد ما عرضوها ف مزاد

مطالبنا مشروعة وطالبينها بشكل جاد

بقولك يابوية رجع للعسكري الدبلة

انا لسه بنت منه مش عروسة حبلة

و ولي ناحيتنا ما هوه التحرير بقا القبلة

وبلغهم معاك انه احنا رجاله مش عيال زبلة

لو هما بـ الألي فـ احنا بالشرعية والنبلة

عرفهم يا بوية انه احنا فـ اعتصام مفتوح

بعد محاكمتهم العسكرية لينا مش للمخلوع

العسكر دول تسعتاشر جسم علي راس حسني

حطوني شيلة ع الحِجر وخلوا شرف يبوسني

بطايبتي سلمتله و من ضهري لف يدوسني

متنساش يا ولدي تسيبله عنواني

اصل الكرسي خده وخلاه عدواني

واطرحلي كده مـ العسكر قول واحد

هيديك بالتمام ايام الثورة فـ واحد

تواريخ عـ النتيجه منسوخين ارقام

يعني بالعربي كده ثورة من غير احكام

ورقة تايهه فـ مصلحه وناقصلها الاختام

جمهور وسينما وكراسي من غير افلام

احمر وابيض واسود ونسر ثائر مش لاقين اعلام

بنادي يا بوية بالقصاص من ابو رصاص

وحد ادني واقصي من المصاص

وتطهير ومحاكمات علنية للهجاص

صوتنا هيفضل عالي فـ وش كل عاص

وصل الرساله بسرعة وتعال اركب معانا الباص

خلاص طلعنا جميعاً من الفنطاس

لفينا اختلافتنا وذاتنا في قرطاس