انا راجع للميدان
لاجل اثور علي اللي خان
فو النبي ذيع البيان
في كل مكان
لتبلغ الغربان
عهد الهوي اللي كان
بقا في خبر كان
واشهد يازمان
صحوة العشمان
علي الخرفان
صبرت والصبر نفذ ده جبان
لا نافع معاه حنين ولا حنان
بلدي هضيع ياجدعان
والدم اللي سال هان
وانشرب في كاسان
اصحي يامصري يامان
مهو بان جنه الجرذان
وهاتلي من عندك ريشه الفنان
لاجل ارسم لبلدي برزخ بالالوان
يعديني لــ الشطان
طايف انا في خوفي
اروح اتلقي الطوفان
جايلي ولابسلي المرض
متغطي بالغفران
والهانم بالفرمان
تسلم من الفرقان
فانسي يا خلعان
ياخرابي علي الجربان
اللي في طره خرمان
عايش كالفئران
وعملي فيها فقران
ده انا حتي من سيرته قرفان
فانسي ياصبران
لو قصه العفوان
مشروطه بالريالان
من بلاد الحرمان
فيغور الريالان
وسيبلي الخائبان
وبالقرش علي القرشان
مني ومن اللي في الميدان
وبشرطه مش انفلات هنكون نسران
علي القرصان
وبيها السايح يعود متصان
والاستثمار الاجنبي بكده ما هيكون حيران
فاسمعني ياجوعان
انت والشبعان
كافح اكسيك مرجان
اما اللي بيعمله العنصران
ده جنان
لا يقبله جن
ولا جان
ده السلفي والاخوان
ومعاهم العلمان
رافعين علم واحد مش علامان
وبكفي والحسامان
هقضي علي السجان
ياناس يا اهلي ياهوه
انا حر مش حران
وقولوها للغيران
من عقلي انا برجان
طاروا خارج الخان
انا شعبي مش خنعان
وبكره هو حالمان
لعنه علي الطمعان
في كل مكان وزمان
وابقا اسأل يا باتمان
اسأل عن الحيتان
في اي مصرف فان
وبالعدل والميزان
هزرع ارض الكنان
وبحبي والايمان
هصون انا الانسان
انا راجع الميدان
بسألك يارحمن نصر وجنتان
ليست هناك تعليقات:
إرسال تعليق