لحن الثورة
ملكش حـــــــــــــــــــــــق يازمان تلوم
عليا
اقفل رموشك واقرب لتشوف الحب من عنيا
طـــــــــــق الصبر وانفجر دموع من عمايلنا
بعد ما حنينا بطون الكف مـــــــن دم
زمايلنا
انا هنا وسط النار والعفرة واقف بعبثية
بغني للحرية وانا بـــــــــحـــــــــــــرية
بيطير حوليه قذائف من تحت الرصاص الوابل
صوت الموت بعيد مني عن نصر وطني الذابل
مش تارك ارض المعركة غير ماكمل لحني
اجذل باوتاري صدور اللي نهشوا شحمي ولحمي
وسط الغبار ماصايني غير الشهادة والطيف
حرب الشوارع والقنابل انا فيها اسطي مش ضيف
روح النصر بعتها الـــــــــــنــــــــــغـــــــــم
في غزل
داست ع البيادات والاقلام اللي بتنقط هزل
من فوهة بندقيتك بشوف الحاني حايشه المنون
بتكَون ميلادي وبتنشئ فؤادي بكمد الجنون
النسيم استولي علي خشبتي الجوفاء بتمرد
ليخرج مع الصيحات معني البعث والاحياء بتجرد
مشمر الاكمام وصالب عودي في استقبال دُنيتي
الجايه
وفاتح الحضن مش للموت لكنه لمنايه
اسئلني كمان عن ايه اللي سواني مهاب
يكفيك تسمع غناي اللي كبح الذئاب
ليست هناك تعليقات:
إرسال تعليق