عواد باع ارضه ياولاد شوفة طولة وعرضة ياولاد.....اسف لعواد......المصري حرق ارضة ياولاد شوفة جهلة وكفرة ياولاد
ليله دامسة نتاج ظلام ما يقرب من 10 الاف ليله, اسدل فيها الستار عن فصل من المسرحيه الطائفية التي الفها واخرجها العلماء الجُهل والقساوسة الجهال وكنا انا وانت عزيزى القارئ ابطالها وديكوراتها وفي الوقت ذاته كنا مشاهديها, ليله لبست فيها الكنانه ملابس الحداد واخذت بجغرافيتها ركن علي الخريطة وهي ترتعش تنتفض تبكي بكاء مسح بدموعه الوان السعادة التي زينت ضحكتها بمصابيح ورسمت علي خديها فرحة مشعننه بزغروطة مشعللة.
مصر كانت في قبو مظلم معتقلة مغتصبة مهزومة مكسورة امينها سجانها وشعبها محبوس مربوط معاها في كلبش واحد كلبش من نار ميطفهوش غير ايمان ودة اللي كان، كسر الايمان الكلبش ولجم السجان ونادي النهار يطلع من ورا شبورة الشتاء كان مستخبي النهار كان خايف انه يطل عليها من شباك الزنزانه ليقفشة السجان ويسحله ويحرقة ويمرمط معاه الشتاء وخد عندك ذل وقرف و حمل سفاح.
طلع النهار وجر الصبح في ايديه وفي ساحة الميدان اتزفت مصر علي الحرية و اتوجت علا في مفرق الشرق وهم الجميع يحلفوا القسم ليشبكوا الايدين بالدُر والعسل, الجموع دول مكنوش عيل ولا اتنين ولا البنت والواد اللي شايلين الشمعتين دول كانوا بشر يامه يجي مليونين مكنوش كلهم محمد كان بينهم بيتر وبقطر وبن القس دانيال وبن عمه باخوم ايوه ه ه ه علي المنظر اللي جاي وهما بيحلفوا القسم اول ما محمد نده (بسم) كمل مينا الاذان وقال (بسم الرحمن) تعيشي يابلدي حرة كريمة ويفضل خيرك يخر علي الزمان والمكان, هناك في الصورة اللي فاتت كنا نصاري لله مسلمين للوطن مسلمين لله وللوطن نصاري وبده خرجت لنا الغندورة متمخطرة في اعظم ثورة خرجت لنا بنورة متصورة,تحدثت عن نفسها في شموخ ملكة في الكوشة متوجه من حولها يرفرف روح الشهيد وبعدين يروح يبعت روح اخوة الشهيد حضروا جميعا هنوا و وصوا وبعديها عدنا القسم قدمهم فطمنوا وعادوا لربهم راضين مرضين وفضلت نسيم ظلهم متبخرة حاطه الحبيبه في برواز مدور زي القمر, مصباح ومتعلق في السما منور الشرق , والغرب مركون بعيــــــــــــد غيران جته القرف, وبعديها يجي بتلات اربع دقايق نسي محمد الكلبش بتاع زمان اللي كان مسلسلة تحت الارض بمترين تلاته والجوع اللي كان ململمة سنتين تلاتة واتناسي مينا الاقلام اللي قعرت قفاه في القسم اللي في الناحية دي ولا الاكل اللي نزل معدتة يسرطن اويفشل كلاوي ونسيوا الاتنين الفرحة واللمة والزغروطة , ورحت قعت معاكم نلقن الاتنين اللي يقلوا في المسرحية الطائفية, دة كمان المشاهد فيها سلاح ودم وخراب وماله هات كل اللي عندك ياواد من المخزن من جهل و زفت واتران هي هتخرب انهاردة مهو دة اللي اتعلمناه واللي علمناه واللي منعرف غيرة ولع ياعم احرق ياسيدي.
نادي حسن من بعيد عليه الحق مصر هتضيع يا احمد ديه انجرحت وبتقع ولو وقعت ملناش قومه شيل معاية الحمل تقيل رديت وانا شايل ودموعي بتنظف اللحوسة اللي غطت وشها وقولتله انا و انت ياحسن بدموعنا مش هنعمل حاجة نادي عندك بقطر وبيتر وعبدالمسيح اللي ساكن عند خالتي نادي المصرين كلهم الحمل ده مايشلوش غير ال 80 مليون وهات عندك الاسلام هـــيصلب طولها والصليب هـــيسلم قوامها ,مكملتش الكلمتين وانكمشت البلد في ادية لحتة قماشة ملونة شبه العلم وراحت البلد بعيد علي الخريطة بتنكمش بتترعش وراحت معها الارض والانتاج والمصانع والشركات والمتاحف والقناة و و و ...............
خايف تفضل في ادية حتت القماشة.....
التعليقات متاحة الان
ردحذفممتازه
ردحذفعندك حق والله كلنا لازم نكون ايد واحده لانه البلد لو وقعت مش هتقوم واحنا نشوفلنا دولة خليجية نروح نشتغل فيها ولو ادونا بالجزم منقولش اي
ردحذف